Бишкек (АКИpress) – Коомдук ишмер Дөөлөтбек Берикбаев Кыргызстандын президентин мөөнөтүнөн мурда шайлоо өтүнүчү жазылган катка кол койбогонун билдирди. Сөз 75 адам — академиктер, мурдагы жогорку кызмат адамдары жана коомдук ишмерлер кол койгон кат тууралуу болуп жатат.
Дөөлөтбек Берикбаевдин айтымында, ал буга чейин бул маалыматты массалык маалымат каражаттарынан көргөн, бирок тергөөнүн жыйынтыгын күткөн.
Берикбаев 20-январдан 23-мартка чейин жубайы менен Кыргызстандын аймагынан тышкары — Австралияда болгонун белгиледи. Буга байланыштуу ал аталган катты көрбөгөнүн жана ага кол койбогонун билдирди.
Анын айтымында, зарыл учурда бул жагдай тиешелүү расмий документтер жана сүрөттөр менен тастыкталышы мүмкүн.
